Një ngjarje e rrallë është shënuar në liqenin e Ohrit në Pogradec ku, disa shpendë të veçantë kanë vizituar ujërat e ëmbla të liqenit.
Në foton e publikuar nga fotografi Ardian Fezollari, shpendët identifikohen si Flamengo, që zakonisht kanë habitat ujërat e kripura.
Kjo ndodhi e rrallë ka çuditur të gjithë qytetarët e Pogradecit, të cilët kanë vënë re gjithashtu se këta shpendë qëndrojnë përkohësisht në liqen, dhe më pas nisen për shtegtim.
” Është i treti vit që vijnë..Besoj që fluturojnë prej Amerikës deri këtu në liqenin tonë, këta Flamingo të paqta”, thotë një banor duke nënvizuar se ky nuk është viti i parë që Flamingot janë dalluar në liqen.
“Pak e veçantë prania e tyre atje, sepse kërkojnë mjedis me një përqendrim mbi mesatar te kripës”, shkruan një tjetër komentues poshtë fotos.
Në disa pamje të siguruara nga “Iconstyle.al”, që i përkasin vitit 2016, një Flamengo shfaqet në liqen teksa shihet se nuk shqetësohet nga prania e shpendëve të tjerë si mjellmat e liqenit. Ky fenomen i rrallë duhet të merret në studim nga autoritetet përkatëse, pasi është vërtet i veçantë.
Habitati i Flamingove është shumë i ndryshëm dhe ata priren të pëlqejnë vendet ku temperaturat janë të ngrohta, por duket se pëlqejnë edhe klimat e ftohta. Për sa kohë që këta shpendë kanë vend për të endur dhe shumë ushqim, ata janë të kënaqur në çdo mjedis. Kjo lloj përshtatjeje e mahnitshme është arsyeja pse Flamingot ka qenë në gjendje të mbijetojë për miliona vjet dhe janë ende e fortë.
Burimi: Iconstyle.al
