Shirat e kësaj fundjave, duke filluar që nga e hëna do t’ia lënë vendin temperaturave të ulëta e reshjeve të borës në zonat malore.
Këtë të hënë, sipas Meteoalb, veriu mbetet me vranësira dhe shira thuajse gjatë gjithë ditës, ndërsa zonat qendrore e jugore paraqiten me kthjellime të shkurtra, vranësira të shpeshta dhe rrebeshe të përkohshme shiu, kryesisht gjatë pjesës se parë të ditës.
Temperaturat mbeten thuajse konstante gjatë mëngjesit, por rritje të lehtë sjell mesdita (maksimalisht deri 21°C). Mbrëmja e së hënës sjell rënie të ndjeshme të temperaturave në të gjithë territorin dhe reshje dëbore gjatë natës, në zonat malore.
