Një tjetër skandal seksual zbulohet në “Hollywood”. Aktori i aksionit, Steven Segal, është akuzuar së fundmi se ka zbërthyer zinxhirin përpara aktores Portia de Rossi, kur ajo ishte në audicion për të marrë pjesë në filmin e tij, sipas TMZ.
Sipas saj ai “hoqi pantallonat e tij prej lëkure” në zyrën e tij duke i thënë asaj se mes tyre duhet të kishte kimi dhe kontakt. Portia shprehet se u largua menjëherë nga zyra dhe njoftoi agjentin.
“Hera e fundit që kam dëgjuar për Steven Segal është kur do xhirohej një film dhe ai më thirri në zyrë . Më tha se ishte shumë e rëndësishme që ne të dy të kishim “kimi” edhe jashtë skenës teksa më uli dhe zbërtheu pantallonat. Unë u largova menjëherë”, është shprehur aktorja.
Portia u shpreh më pas se agjenti i saj i tha, “nuk e dija nëse ishte tipi jot”, kur i tregoi për ngacmimin seksual.
Pretendimet e Portia-s vijnë vetëm disa ditë pasi një tjetër personazh, Julianna Margulies, ngriti akuza ndaj aktorit.
Burimi: The Sun
