Të gjithë mbetën pa fjalë nga celulari më i fundit i prezantuar nga “Apple”, iPhone X. Ai shitet për plot 1.000 dollarë, por sa e ka koston reale?
Një analizë e “Tech Insights” ka dalë në përfundimin se modeli i ri i Apple ka një kosto prodhimi prej 357.5 dollarë dhe me çmimin prej 999 dollarësh, fitimi i kompanisë është 64%.
iPhone X doli në shitje të premten dhe ka pasur shumë kërkesa për të. Deri më tani “Apple” nuk ka pranuar të komentojë mbi këtë analizë të “Tech Insight”.
Qindra persona qëndruan në radhë të gjata në Sidnej para dyqaneve të “Apple”, për të qenë të parët në botë që blinin iPhone X e ri. Skenat ishin thuajse të njëjta me rastet kur dolën në treg versionet e mëparshme të iPhone-t.
Dyqani i “Apple” në Sidnej u hap pak orë pasi kompania publikoi rezultatet e 4-mujorit të radhës me parashikime premtuese për të ardhmen, duke zbutur shqetësimet për problemet me prodhimin e telefonave dhe duke çuar aksionet në nivelet më të larta të arritura deri më tani pas hapjes së bursave.
