Pak muaj më parë, artistja Irma Libohova përjetoi një nga momentet më të dhimbshme, pas ndarjes nga jeta të bashkëshortit të saj.
Por thonë se pas shiut gjithmonë del dielli! Këngëtarja shqiptare ndau me të gjithë lajmin e gëzueshëm se do të bëhet gjyshe për herë të parë.
E ftuar në programin “Lart e Poshtë”, Irma tregon se një ngjarje e tillë, s’mund të jetë përveçse e bukur, aq më tepër pas kësaj periudhe të vështirë për këngëtaren.
Djali i saj i vetëm dhe partnerja e tij, janë në pritje të fëmijës së tyre të parë. Plot optimizëm, Irma tregon se që tani është e emocionuar për jetën që e pret si gjyshe e ardhshme.
“Unë besoj që ky është lajmi më i bukur dhe prandaj them që duhet t’i kthejmë sytë nga jeta. S’ka gjë më të bukur. Thonë që është ndjesi shumë e bukur, nuk e kam provuar”, tregon Irma.
Ndër të tjera, Libohova tregoi se në shtator do të sjellë projektin e saj më të ri që mban titullin ‘Ditëlindja’.
