Plot 13 raste të reja me koronavirus në Shqipëri janë shënuar në 24 orët e fundit, duke e çuar numrin në total 89 të infektuar.
Drejtoresha e Institutit të Shëndetit Publik, Albana Fico, bëri me dije se janë testuar 33 persona të dyshuar prej të cilëve të konfirmuar janë 13 raste të reja. Nga këto, 8 raste janë nga Tirana, 1 nga Kavaja, 1 nga Durrësi dhe 3 nga Korça.
Nga totali i rasteve të konfirmuara, 58% janë meshkuj dhe 42% janë femra. Mosha mesatare e totalit të rasteve pozitive është 48 vjeç. Ndërsa shpërndarja gjeografike e rasteve pozitive, është si vijon:
- Tiranë 63 qytetarë
- Durrës 6 qytetarë
- Lushnje 2 qytetarë
- Elbasan 2 qytetarë
- Fier 8 qytetarë
- Rrogozhinë 2 qytetarë
- Kavajë 3 qytetarë
- Korçë 3 qytetarë
Janë shënuar deri tani dy raste humbje jete. Ju informojmë se tre pacientët e parë kanë lënë aktualisht spitalin të shëruar por theksojmë se, pas daljes nga spitali, pacientët e rikuperuar duhet të qëndrojnë në vetëkarantinim edhe për 14 ditë të tjera, duke ndjekur masat e kontrollit respirator dhe higjienën personale.
Ndërkohë është rritur numri i pacientëve të shtruar në spitalin Infektiv, ku ndodhen aktualisht 43 pacientë:
-4 prej tyre janë në terapi intensive, në situatë të njëjtë klinike.
-Ndërsa pjesa tjetër e të shtruarve në pavion janë në gjendje të stabilizuar deri në këto momente.
Mosha mesatare e rasteve të hospitalizuara është 54 vjeç.
/Iconstyle.al
