Ne shpenzojmë më shumë orë me kolegët tanë sesa me këdo tjetër gjatë javës, duke përfshirë edhe familjen. Për këtë arsye, është mirë të pëlqeni bashkëpunëtorët tuaj dhe është e mirë që kjo të jetë reciproke. Do të ishte e trishtë që të kaloni aq shumë orë me njerëz që nuk i pëlqeni. Ju nuk mund t’i detyroni kolegët tuaj të ndryshojnë, por mund të përshtateni.
Të pëlqehesh nga të tjerët është një aftësi dhe kërkon pak durim. Këtu gjeni 6 gjërat që njerëzit që pëlqehen bëjnë në punë:
Të bësh atë që thua dhe në kohën që thua se do ta bësh
Nëse jeni i ngadaltë, keni ndikim në aftësinë e kolegëve tuaj për të përfunduar punët e tyre. Kur jeni të besueshëm, jeni duke e bërë jetën e kolegëve tuaj më të lehtë dhe më pak stresuese. Profesionistët të cilët janë të besueshëm do të fitojnë besimin e shefit, kolegëve dhe klientëve. Nëse ata mund të mbështeten tek ju, kjo u jep atyre një ndjenjë lehtësimi.
Të interesohesh për jetën e kolegëve
Jo në atë shkallë që të ndërhyni më shumë seç duhet. Mos thoni vetëm, “Mirëmëngjes”. Në vend të kësaj, thoni: “Mirëmëngjes, Erin! Si shkoi fundjava?”. Njerëzit që pëlqehen e kanë zakon të jenë kuriozë për të tjerët. Bëni pyetje të përshtatshme dhe mos harroni të kujtoni atë për të cilën keni folur. Ata do të impresionohen kur t’ua kujtoni më vonë.
Lehtësojani ditën të tjerëve
Jo të gjithë ndihen të sigurt 100% të kohës. Nëse ndien se dikush është i shqetësuar ose jo komod, mund ta ndihmoni atë të ndihet i zgjuar dhe i pranuar. Të jesh një person i pëlqyeshëm kërkon sjellje të mira dhe aftësinë për t’i lehtësuar të tjerëve jetën. Edhe pse disa njerëz duket se kanë lindur me këtë dhunti, mund të mësoheni. Pasi ta përmirësoni këtë tipar, do të habiteni sesi i bëni njerëzit të ndihen.
Lërini të tjerët të tregojnë historinë e tyre
Biseda është një shkëmbim tregimesh. Secili pret derisa tjetri të përfundojë dhe pastaj fillon të tregojë historinë e tij. Njerëzit që lejojnë të tjerët të flasin pa marrë radhën, përgjithësisht konsiderohen si biseduesit më të mirë. Gjithçka varet sa dëgjues të mirë jeni.
Mos kërkoni qendrën e vëmendjes
Nëse keni pasur ndihmë përgjatë rrugës, merrni kohë për të falënderuar publikisht ata që ju kanë ndihmuar. Është mirë të tregosh se kush je dhe punën tënde, por ki kujdes të mos zaptosh të gjithë vëmendjen.
Mbani mend emrat
Disa gjëra janë shumë të thjeshta. Nuk kemi nevojë të komplikoni gjërat. Nuk ka mënyrë më të lehtë për t’u pëlqyer nga të tjerët, sesa duke kujtuar emrat e tyre dhe duke i thirrur në emër gjatë bisedave. Ky gjest i vogël dhe i fuqishëm i bën njerëzit të ndihen të respektuar.
Burimi: Popsugar
