Është praktikisht imazhi yt më i vogël në rrjete sociale por më i rëndësishmi. Ajo fotoja e vogël e profilit është ajo që të prezanton fillimisht me këdo që ndeshet me profilin tënd online dhe u jep atyre përshtypjen e parë rreth teje, ndaj përzgjedhja e kësaj fotoje nuk duhet të jetë rastësore.
Sipas studimeve, ka 6 elementë që e bëjnë një foto profili tërheqëse:
1. Buzëqeshja me dhëmbët e ekspozuar
Nëse ke dhëmbë të bukur mos hezito aspak t’i tregosh.
2. Fotot nga koka tek shpatullat ose nga koka tek mesi
Një foto kokë e këmbë do e bënte shumë të vështirë dallimin e tipareve në atë foto aq të vogël. Por nëse keni një super trup, kush jemi ne që t’ju kundërshtojmë?!
3. Sytë e buzëqeshur
Sipas studimeve, sytë pakëz të picërruar siç bëhen kur buzëqesh, e bëjnë dikë të duket tejet tërheqës. Kombinuar me një buzëqeshje, të bën të dukesh i/e ngrohtë dhe tip social.
4. Hija e nofullës
Mund të mos kesh nofullat më të definuara në botë, por hija e duhur ndonjëherë mjafton.
5. Pozicionimi asimetrik
Vendosu në kënd dhe jo në qendër të fotos.
6. Sytë të qartë dhe të pambuluar
Sytë janë arma juaj më e fortë. Mos i fshihni.
Gjithashtu vlen të theksohet se preferohen fotot me sfond me ngjyrë të ndezur. Ndërsa elementë që duhen shmangur sipas studimit janë kapelet, syzet dhe flokë ose hije që mbulojnë sytë. Pra e kuptuat: Sytë janë çelësi i suksesit!
Ndaj nëse fotoja jote e profilit në Snapfood nuk i plotëson këto kushte apo më keq akoma, nuk ke vendosur ende një foto profili, tashmë e di se çfarë duhet. Shkrep foton ideale dhe përgatitu për disa ftesa të reja miqësie.
