Modelja shqiptare, Emina Çunmulaj, është në pritje të fëmijës së saj të parë. Emina zbuloi pak ditë më parë gjininë e bebit. Ajo dhe bashkëshorti i saj Sam Nazarian janë në pritje të një vajzë.
Modelja tregoi për një revistë të Malit të Zi përjetimet e shtatzënisë dhe të bërit nënë për herë të parë.
“E pres me padurim Eminën e vogël. Kur ajo të vijë në jetë, bashkëshorti im do e ketë primare, ndërsa unë do duhet të jem gjeneralja”, u shpreh modelja.
Ajo kurorëzoi dashurinë e saj në maj të 2015-s me multimilionerin amerikan me prejardhje iraniane, në një ceremoni luksoze në Meksikë.
Bazuar në traditën e vendit të tij dhe dëshira e meshkujve edhe Sam dëshironte që të bëhej me djalë. Modelja tregon edhe mënyrën se si vendosi që ta surprizonte bashkëshortin me njoftimin e gjinisë së fëmijës.
“Sam sapo ka mbushur 40 vjeç dhe ishte momenti që ai të bëhej baba. Ka qenë shumë i surprizuar, por lumturia nuk ka fund. Vendosa që bashkëshortit t’i bëj surprizë: ngjyrosa dhomën e tij të punës me rozë. Kur erdhi nga rruga dhe pa dhomën, ai mendoi se kisha bërë një zgjedhje Ballkani. Sinqerisht ai priste djalë, megjithatë u gëzua tej mase edhe që do të kishim një vajzë. Filloi të më përqafojë, ndërsa tani pret me padurim të vijë në jetë ajo”, tregon Emina.
