Callum Turner ka folur për jetën me Dua Lipën dhe, mes martesës, udhëtimeve dhe planeve për të ardhmen, aktori ka lënë të kuptohet se kapitulli i radhës për çiftin mund të jetë krijimi i një familjeje.
Në një intervistë për Esquire UK, 36-vjeçari është treguar më i hapur se zakonisht për marrëdhënien e tyre, duke e përshkruar martesën si “ditën më të bukur të jetës së tij”.
Por të qenit një prej çifteve më të komentuar të momentit do të thotë që edhe momentet më intime bëhen menjëherë publike. Turner pranoi se ishte e çuditshme të shihte një ngjarje kaq personale të diskutohej nga e gjithë bota.
“Është diçka e çuditshme kur të ndodh diçka kaq personale dhe pastaj flitet publikisht për të nga kaq shumë njerëz”, është shprehur ai.
Madje, pas dasmës, Callum dhe Dua po shëtisnin së bashku në park kur njerëzit nisën t’i uronin. Një moment i vogël, por që për aktorin ishte pothuajse surreal: jeta e tyre private tashmë ishte një lajm që e dinin të gjithë.
Megjithatë, pjesa më e ëmbël e intervistës erdhi kur biseda kaloi tek e ardhmja.
Kur u pyet se çfarë dëshiron nga vitet që vijnë, përveç vazhdimit të karrierës, përgjigjja e tij ishte e thjeshtë: “Familje.”
Dhe kur pyetja u bë më konkrete, Callum nuk la shumë vend për interpretime:
“Sigurisht. Jam 36 vjeç. Do të doja të krijoja një familje dhe të rrisja disa fëmijë.”
Duket se për të, Dua nuk është vetëm partnerja me të cilën dëshiron të ndërtojë një shtëpi, por edhe personi me të cilin dëshiron të vazhdojë të zbulojë botën.
“Të dy kemi të njëjtën dëshirë në mendje që na thotë: ‘Ik, udhëto, shiko botën, eksploro dhe zbulo.’ Dhe po, na pëlqen shumë t’i bëjmë të gjitha këto bashkë”, tregoi ai.
Në një tjetër moment, aktori e përmblodhi marrëdhënien e tyre në mënyrën më të thjeshtë:
“Është bukur të gjesh dikë që e do, që të do edhe ty dhe me të cilin dëshiron të jesh gjatë gjithë kohës.”
Edhe Dua Lipa ka folur më herët për mundësinë e mëmësisë. Këngëtarja ka treguar se do të dëshironte të kishte fëmijë një ditë, megjithëse për të ekziston edhe pyetja se si do të kombinohej mëmësia me një karrierë që përfshin albume, turne dhe udhëtime në të gjithë botën. Ajo ka theksuar se të rrisësh një fëmijë është shumë më tepër sesa thjesht dëshira për t’u bërë prind.
Dhe ndoshta pikërisht këtu historia e tyre bëhet edhe më cute. Nuk po flasin për një jetë perfekte të shkëputur nga realiteti, por për dy njerëz që duan të udhëtojnë, të punojnë, të zbulojnë botën dhe, kur të vijë momenti, të ndërtojnë edhe familjen e tyre.
Nga “run, roam, see the world” tek “do të doja të rrisja fëmijë”, duket se Callum e ka shumë të qartë se kë dëshiron pranë në të gjitha versionet e së ardhmes së tij. ❤️
