E keni dëgjuar të gjithë emrin e Vilma Nushit, përfitueses së PPP “Check Up” e cila kishte në dorë mjekësinë shqiptare me anë të këtij projekti.
Oligarkja e shëndetësisë ka bashkëpunuar me Ilir Beqajn për të përfituar koncesionin me dokumente false, të pranuara dhe të miratuara si ‘të rregullta’ nga ish-Ministri i Shëndetësisë, Beqaj.
Ky koncesion kishte si qëllim vjedhjen e taksave publike dhe zhvatjen e qytetarëve, me justifikimin e të qenurit “fond për mjekësinë shqiptare”. Ndaj, SPAK ka nisur një hetim të thelluar për mega-vjedhjen e Nushit.
Koncesioni ishte fillimisht 90 milionë Euro, ndërsa pas 1 viti, kontrata u bë 130 milionë Euro.
Përveç vlerës 65 milionë më tepër se kostoja reale e shërbimit të PPP “Check-up”, që është përgjegjësi e Ilir Beqajt si ministër e Edi Ramës si kryeministër; SPAK ka konstatuar se Vilma Nushi, ka përfituar mjediset, energjinë elektrike e ujë falas në qendrat shëndetësore publike ku kryhen kontrollet mjekësore.
Këto, Vilma i ka pasqyruar në bilancet tatimore për të rritur kostot fiktivisht, sikur paguan qira vjetore zyrash, energji e ujë tek Ministria e Shëndetësisë, në OSHEE e ujësjellësa, kur në fakt i ka paguar shteti.
Gjithashtu një tjetër pistë hetimi, SPAK ka dhe shitjen e koncesionit “Check-up” për 300 mijë Euro, nga 130 milionë Euro që është vlera e kontratës, duke ia dhënë një shtetasi anglez për të humbur gjurmët, i cili është burri i mbesës së Vilma Nushit (vajzës së motrës).
Kujtojmë që edhe para 2 vitesh, kur Vilma Nushi u infektua me Covid-19 u mjekua në Turqi si pasojë e mungesës së një pajisje të domosdoshme në spitalet e vendit tonë, pajisje që patjetër duhet të ishte blerë me aq para sa iu morën qytetarëve.
Edhe pse ka përfituar koncesione me vlera marramendëse ato nuk janë investuar siç duhet duke krijuar mungesa të theksuara në shëndetin publik.
Pavarësisht se flitet shumë, dhe dihet jo pak, Vilma Nushi është kujdesur me fanatizëm që profili i saj të jetë i ulët. Për të nuk gjen asnjë informacion në Wikipedia, apo në rrjetet sociale.
Megjithatë, ajo është pjesë e listës së njerëzve më të pasur në vend. Pas ardhjes në pushtet të socialistëve, Nushi u bë fituese e disa tenderave në shëndetësi.
