Operatori i Shpërndarjes së Energjisë Elektrike do të zgjatë orarin e shërbimit duke filluar nga dita e hënë, pas vendimit për lehtësimin e masave dhe zgjatjen e fashave të orareve të lajmëruar nga kryeministri Edi Rama.
Kështu orari i ri i shërbimit nga nesër në zyrat e OSHEE, do të jetë nga ora 6 e mëngjesit deri në orën 17:30.
Në këtë fashë orari do jenë të hapura edhe farmacitë, bankat dhe marketet, ndërsa qytetarët përmes lejes, kanë afat për pazare ose shërbime të tjera deri në 90 minuta.
Njoftimi i OSHEE si më poshtë:
#Zgjatet orari i shërbimit #KNK #FSHU
Furnizuesi i Shërbimit Universal njofton se qendrat e Kujdesit ndaj Klientit dhe #Arka do të ofrojnë shërbim prej ditës së Hënë në orarin 06:00 – 17:30
