Shërohet gruaja e parë shtatzënë që u infektua me koronavirus në Shqipëri

Një lajm i mirë është dhënë sot nga drejtoresha e Institutit të Shëndetit Publik, Marjeta Dervishi.

Pasi përditësoi të dhënat në lidhje me rastet e COVID-19 në vendin tonë, Dervishi u shpreh për mediat se një grua shtatzënë që ishte prekur me koronavirus është shëruar.

Lexo edhe :

Bashkohuni në protestë! Punonjësit e shtetit nuk janë mburojë e pushtetit

23:17 07/06/26

“U kurova falë rrjeteve sociale, jo falë sistemit”/ Dajana Kalo i përgjigjet Ramës: Po qytetarët e zakonshëm që nuk kanë zë, kush i dëgjon dhe kush i shpëton?

22:41 07/06/26

“Momentalisht nuk kemi gra shtatzëna të konfirmuara, kemi pasur një rast, por që tani paraqitet e shëruar” tha ajo.

Sa i përket stafit mjekësor, Dervishi tha se “deri më tani janë 48 mjekë dhe infermierë me COVID-19”.

Gjithashtu, referuar rastit të djeshëm në Durrës ku një i ri tregoi se ishte i infektuar me koronavirus pas shtrimit në spital nga aksidenti, Dervishi deklaroi se “pas konfirmimit, i riu u transferua tek Infektivi. U morën masat sipas protokollove për parandalimin e infeksionit të ‘Trauma'”.

Gjatë 24 orëve të fundit, 20 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 217.

/Shqiptarja.com