Kanye West e ka shfaqur gjithmonë dashurinë ndaj mikut të tij Jay Z dhe Beyonces. E kush mund ta harroj vitin 2009, kur Kanye la në hije Taylor Swift duke rrëmbyer mikrofonin në skenën e VMA-së, ku deklaroi se Beyonce kishte videon më të mirë të të gjitha kohërave?
Por miqësia mes tyre pati një krisje, arsye e së cilës bëhet publike për herë të parë ditën e sotme. Në një intervistë, Kanye tha se ishte mungesa e mikut të tij më të mirë në dasmën e tij me Kim Kardashian në vitin 2014, hatëmbetja e parë.
“Unë jam një artist shumë besnik ndaj shoqërisë dhe nuk mund të lejoj që diçka e tillë të na ndodhte ne, por jeta është e tillë…” u shpreh Kanye.
West theksoi se nuk po mundohet të thotë asgjë negative, por po tregon diçka të vërtetë edhe përse tashmë i përket të kaluarës.
