Të bëhesh nënë konsiderohet një dhuratë nga Perëndia! Por disa femra nuk kanë mundur që të bëhen nënë.
Një trajtim i ri i zbuluar së fundmi u jep mundësinë femrave të sjellin në jetë një fëmijë edhe pasi kanë kaluar periudhën e menopauzës.
Sipas studiuesve, me kalimin e viteve femrat përballen me një zvogëlim të shanseve për të ngelur shtatzënë, duke qenë se vezoret e tyre prodhojnë më pak vezë. Gjatë moshës 40 deri në 50 vjeç fillojnë pasojat e menopauzës, duke ua bërë akoma dhe më të vështirë sjelljen në jetë të një fëmije.
Në masë praktikohen terapitë nëpërmjet ngrirjes së vezëve, rreziqet dhe kostot që lidhen me to kanë bërë që familjet të kërkojnë metoda të tjera alternative.
Kostantinos Sfakianoudis nga “Klinika Gjenetike” në Greqi mund të ketë gjetur atë çfarë po kërkojnë të gjitha gratë.
Një studim eksperimental, ekipi i tij i punës provoi një trajtim të ri në 180 gra të moshës nga 34 deri në 51 vjeç. Disa prej tyre kishin dëmtime në sistemin riprodhues, ndërsa tek të tjerat i ishin shfaqur simptomat e para të menopauzës.
Sfakianoudis mundi t’i lehtësonte këto simptoma, si dhe realizoi trajtimin me injektim IVF, që ndihmoi dy prej tyre të mbeteshin shtatzënë. Mësohet se njëra nga gratë pati probleme dhe dështoi të sillte fëmijën në jetë, ndërsa rasti tjetër lindi me sukses.
Sipas Sfakianoudis, plazma e injektuar mund të ketë simuluar qelizat steminale brenda vezoreve për të prodhuar vezë. Ndonëse eksperimenti rezultoi me sukses, mjekët e tjerë presin të mësojnë më shumë detaje rreth tij për ta aplikuar atë më pas në pacientët e tyre.
Burimi: Mirror
