Viola Spiro shpërndau dje në “Instagram” një foto me motrën Petrula Spiro dhe partnerin e saj, Marin Blushi. Pikërisht kjo foto bëri xhiron e mediave rozë, të cilat shkruan se Viola kishte nisur një lidhje të re, pas rënies në burg të të dashurit të saj, Valentin Selaj.
Mjaftoi vetëm prania e Violës në këtë foto për të nisur breshërinë e lajmeve, edhe pse Petrula vazhdimisht poston në rrjete sociale foto me të dashurin e saj.
Viola pas një periudhe heshtjeje të gjatë që e shoqëroi gjatë arrestimit të të dashurit të saj, më në fund ka vendosur të reagojë për lajmin e nisjes së një lidhje të re. Ajo u ka treguar të gjithëve se personi për të cilin mediat po flasin është i dashuri i motrës së saj Petrulës.
Viola ka postuar një foto të çiftit duke u puthur dhe në këtë mënyrë iu ka mbyllur gojën të gjithëve atyre që kishin filluar të hamendësonin.
