Dimri po vjen, dhe shumë shpejt madje, këtë verë. Fansat e “Game of Thrones” do të duhet të presin edhe 5 muaj deri në lancimin e sezonit të shtatë, për të parë se çfarë ndodh me personazhet e tyre të preferuar.
Premiera e filmit, e cila është bërë zakonisht në prill, do të shtyhet për një datë të panjohur. IMDb ka publikuar një datë për episodin e parë të sezonit të shtatë, që është 25 qershori, para se ta fshinte sërish.
Kjo është një datë e pakonfirmuar por fansat janë duke pritur me kërshëri për sezoni e ri. Xhirimet kanë nisur që prej vitit të kaluar dhe raportet sugjerojnë se pesë yjet kryesore të filmit kanë bërë pazare të mëdha për pagat për sezonin e shtatë dhe të tetë.
Kit Harington, Emilia Clarke, Lena Headey, Peter Dinklage dhe Nikolaj Coster-Waldau, të gjithë do të fitojnë 1,1 milionë $ për episod në dy sezonet e ardhshme, sipas Hollywood Reporter.
\ 
