Meghan Markle dhe Princ Harry do të kurorëzojnë dashurinë e tyre me martesë në majin e vitit të ardhshëm. Pritet që ata të organizojnë një dasmë madhështore që do të mbahet mend gjatë në historinë e familjes mbretërore.
Mediat botërore kanë filluar që tani të shkruajnë për shoqërueset e nuses, për fustanet dhe çdo detaj që pritet të ndodhë në ceremoninë mbretërore.
Natyrisht që të gjithë jemi kurioz se si do të jenë fustanet e nuses në ditën e saj të madhe. Stilistja nga Izraeli Inbal Dror, ka përgatitur 3 skica për fustanet që do të veshë aktorja në atë ditë të rëndësishme.
Në skicë fustanet duket sikur i përshtaten trupit të Meghan. Nga ana tjetër janë edhe brenda rregullave të familjes mbretërore. E theksojmë këtë fakt pasi disa herë Meghan dhe i fejuari i saj kanë thyer protokollin.
Stilistja Dror ka veshur më parë edhe yjet si Beyonce e Naomi Watts.
