Ish-kuzhinierja personale e Gwyneth Paltrow zbuloi dietën “strikte”, që Paltrow ndiqte kur ajo gatuante për të dhe kryesisht përbëhej nga barishtet dhe perimet.
Kuzhinierja e të famshmeve, Kate McAloon, klientët e të cilës kanë qenë Miranda Kerr dhe Steven Spielberg, nisi të gatuante për Paltrow kur ajo ishte ende e martuar me Chris Martin të Coldplay. Ajo zbuloi se në atë kohë “ata nuk hanin asgjë”.
“Kur fillova të gatuaj për Gwyneth dhe Chris Martin, ishte koha kur ajo nisi të luante filmin e parë “Iron Man” (2008)”, tha McAloon për “News.com”.
“Asistentja e tyre më thoshte se ata nuk hanin asgjë, ishin shumë strikt. Shmangnin sheqerin, ëmbëlsirat, prodhimet e qumështit, thjesht shumë perime”, vazhdoi ajo.
“Kur shkova atje u përpoqa t’i përmbahesha dhe kuptova që sapo fillova të shtoja më shumë përbërës, më thanë: “Ushqimi jot po bëhet më i mirë”. Kjo është ajo që ndodh kur hanë më shumë se thjesht barishte”.
Paltrow dhe Martin qëndruan të martuar prej 10 vjet, përpara se të ndaheshin në vitin 2014.
Lidhur me dietën e modeles Miranda Kerr, McAloon tha:
“Miranda është e mrekullueshme. Ajo me të vërtetë ushqehet ashtu siç thotë. E takova Miranda-n kur ajo ishte me Orlando Bloom. Ata të dy e dashuronin mishin që gatuaja unë. I gatuaja një sallatë pule me shumë bimë për mëngjes. Ajo përpiqet të mos hajë asgjë me kimikate, nuk hanë oriz, vetëm ushqimet me më pak karbohidrate. Por ajo ka rregullin 80/20, hanë në mënyrë të shëndetshme 80% të kohës dhe e trajton veten me gjërat që pëlqen në 20% tjetër”.
Burimi: Harper’s Bazaar
