Shkencëtarët kanë zbuluar se të gjitha organizmat e gjallë – përfshirë njerëzit – lëshojnë një dritë shumë të dobët gjatë jetës së tyre, e cila shuhet plotësisht sapo ndodh vdekja.
Duke përdorur kamera ultra të ndjeshme, studiuesit kanë vërejtur këtë dritë të padukshme me sy të lirë tek minjtë dhe bimët. Ajo bëhet më e fortë kur organizmi është në stres apo trajtohet me kimikate, çka sugjeron se mund të përdoret si një tregues i shëndetit të organizmave të gjallë.
Kjo dritë, e njohur si “emision fotonik ultra i dobët”, nuk është si bioluminishenca që njohim tek krijesat e detit, por vjen nga procese në nivelin kuantik dhe atomik – duke e bërë këtë zbulim një hap të ri në mënyrat se si mund të monitorojmë jetën pa ndërhyrje.
