Ai së fundmi zbuloi detajet për betejën e tij kundër ankthit.
Pas rrëfimit të Zayn Malik, i cili ishte detyruar që të tërhiqej nga koncerti në Dubai muajin e kaluar, ai u shfaq në Nju-Jork me të dashurën e tij mbrëmjen e së shtunës. Duket se askush më shumë se Gigi Hadid nuk mund ta bëjë atë të ndihet mirë.
Këngëtari 23-vjeçar u nis për në Nju-Jork për të qenë pranë të dashurës së tij. Ata dukeshin më të dashuruar se kurrë, kur u parë të kapur dorë për dorë teksa shijonin Javën e Modës.
Nuk është hera e parë dhe me siguri as e fundit, kur çifti në fjalë sigurohet që të kombinojnë veshjet e tyre. Modelja 21-vjeçare kishte veshur një palë xhinse të çara te gjuri, ndërkohë mbi bluzën e bardhë kishte hedhur një triko të kuqe dhe në bel kishte lidhur një këmishë.
Zayn ashtu si e dashura e tij, kishte veshur xhinse të grisura dhe këpucë pothuajse si të stilit të Gigi-t, çizme me qafë dhe lidhëse. Mirëpo teksa ktheheshin për në shtëpi, ish-këngëtari i “One Direction”, dukej si i turpshëm, teksa fshihej pas modeles Hadid.
Ajo dukej shumë mbështetëse ndaj tij, ndërsa e mbante shumë pranë vetes 23-vjeçarin. Bukuroshja kaliforniane u shfaq stoike, ndërsa mbante me vetëbesim të dashurin e saj, duke mos e lëshuar në asnjë moment.
*Shfleto galerinë
Burimi: Daily Mail
