Në ditët e fundit të muajit janar, Zaimina Vasjari solli në jetë fëmijën e saj të parë, një vajzë që e ka pagëzuar me emrin Khloe.
Në një intervistë në “Xing me Ermalin”, këngëtarja pranoi se partneri i saj Klodi, i ka kërkuar të zgjerojë familjen. Dhe Zaimina do t’i plotësojë dëshirën, për ta bërë Khloen, me vëlla ose motër sa më parë.
Dhe tashmë që familja po zgjerohet, Zaimina dhe partneri i saj Klodi po bëhen gati të kalojnë në shtëpinë e re.
Në profilin e saj në “Instagram”, Zaimina ka ndarë momente nga punimet në shtëpinë e re luksoze, që duket se janë drejt fundit.
“Projekti i ri i vilës është drejt përfundimit” – shkruan këngëtarja në videon e bërë publike.
