Bes Kallaku dhe Xhensila Myrtezaj u bënë sot për herë të parë prindër të një vajze. “iconstyle.al” zbuloi se çifti kishte vendosur të pagëzonte të porsalindurën me emrin Ajka.
Këtë e ka konfirmuar edhe aktori Bes Kallaku, ku në një rrëfim të gjatë rrënqethës, tregon se e vogla e tyre quhet Ajka. Kuptimi i emrit të veçantë të së bijës, lidhet me fëmijërinë e tij, si shija më e mirë e saj.
“Vendosëm të të quanim AJKA. Babai yt, qysh i vogël mezi priste që Ija të ziente qumështin dhe fshehurazi ti vidhte AJKËN, si shija më e mirë e femijërisë. Nëna jote është “ajkë” më vete. Është kujdesur aq shumë për ty, është lutur aq shumë edhe sa shumë të ka kënduar këngë ëngjëjsh. Nuk do t’kesh probleme ninullash me pak fjalë. Edhe unë do përpiqem, por unë di ninulla vetëm për Skiftera, me vjedhje zemrash, edhe per Baftjarin, por që ti s’ke si ta njohësh.” – shkruan Bes Kallaku.
Ndër të tjera, aktori rrëfen edhe emocionet e para si baba, ku duket se të porsalindurën e ka pritur mes lotësh dhe buzëqeshjes.
“Gjatë jetës kam dashur të jap vetëm buzëqeshje tek të tjerët, por askush s’me ka bërë të qesh e t’qaj njëkohesisht, askush si ti. Hera e parë që jam publik, ti më bën të qesh veç sa levizë dorën, më bëre të qesh edhe kur hape syt, më bëre me qesh edhe kur po flije, kuptova që unë s’ja them humorit fare, kot e mbaj veten për te tillë.” – vijon më tej këngëtari i hitit “Skifterja e zemrës”.
Ndryshe nga të famshit shqiptar që zgjodhën që fëmijën ta sillnin në jetë jashtë Shqipërisë, Besi dhe Xhensila kanë vendosur ta ushqejnë me dashurinë për atdheun, ndaj edhe Ajka erdhi në jetë në Tiranë.
“Vendosem qe ti të lindje këtu n’Shqipni, ta duash vendin tënd, mbase nuk do të t’ofroje aq sa duhet, por do t’flasësh gjuhën me hyjnore n’bote, gjuheë e Perendive, dhe gjuhën e Zotit, të parën, shqipën, pasurin me t’madhe të këtij kombi.” – shkruan në profilin e tij në “Instagram” Besi.
Siç konfirmuan edhe burimet e për “iconstyle.al” se, lindja ndodhi në orën 11:50 të ditës së enjte në “Spitalin Amerikan” në Tiranë. Të njëjtat burime treguan Po ashtu burimet tregojnë më tej se ka qenë lindje cezariane, e cila ishte planifikuar më herët.
