Këngëtarja Xhensila Myrtezaj, ka zbuluar detaje të tjera rreth martesës së saj me aktorin Besart Kallaku.
Ka kohë që aludohet për martesën e tyre, pasi ata tashmë kanë 7 vite bashkë, por vetëm disa muaj më parë aktori zbuloi se kur kanë plan të martohen. I ftuar në një emision, ai zbuloi se 2017-a është viti i festës së madhe, duke e lënë me kaq.
E ftuar në emisionin “Rudina”, Xhensila ka treguar se ka filluar përgatitjet për ditën e rëndësishme dhe se ka provuar për herë të parë fustanin e bardhë. “Sot ishte hera e parë që pashë fustane, ishte një emocion i papërshkrueshëm. Si natyrë emotive që jam, u emocionova shumë”.
Me këto fjalë ajo verifikoi informacionin e dhënë nga Besi, por ashtu si ai, nuk e zbuloi datën. “E kemi vendosur datën. Ne kemi shumë miq dhe duhet ta ndajmë gëzimin edhe me ata. Uroj që dasma të jetë intime, por në ditët e sotme është e pamundur”, ka thënë ajo.
Gjithashtu ajo ka treguar edhe rreth historisë së tyre të dashurisë. ” Kemi 7 vite bashkë, unë kam qenë 16 vjeçe, kam pasur fatin që kam gjetur një njeri shumë të mirë. Ai ka qenë lidhja e parë që kam pasur në jetën time, fati im që kam njohur një njeri me zemër të madhe e më ka dashur me shumë pastërti”.
Burimi: Class
