TikTok është kthyer në rrjetin social më të përdorur së fundmi gjatë karantinës dhe njerëzit po përpiqen të tregohen sa më kreativë në videot e tyre.
Si shumica e personazheve VIP, edhe këngëtarja Xhensila Myrtezaj i është bashkuar TikTok-ut dhe realizon herë pas here video që i ndan me ndjekësit e saj.
Mirëpo,së fundmi, vëmendjen e këngëtares e ka marrë një vajzë bukuroshe, e cila ka etiketuar Xhensilën në videon e saj.
Ajo ka mbuluar fytyrën me duar ndërsa krahas videos shkruan se të gjithë i thonë se i ngjan Xhensilës.
Në fakt, kur vajza largon duart nga fytyra vihet re qartë ngjashmëria mes tyre dhe vajza në fjalë duket si binjake e këngëtares.
Këtë e ka pohuar edhe vetë Xhensila, e cila ka ndarë në InstaStory videon e sozisë së saj, madje krahas postimit shkruan:
“Edhe më e mirë se unë”, duke e shoqëruar me emoji me sytë me zemra.
Nëse do t’i shihnit bashkë, do ta dallonit dot cila është këngëtarja?
