Hailey Bieber është “absolutisht e zemërthyer për të gjithë të përfshirët” në vdekjen aksidentale të Halyna Hutchins në setin Rust.
Mbesa 24-vjeçare e Alec Baldwin, yllit dhe producentit të filmit, shprehu ngushëllimet e saj për të prekurit nga tragjedia, e cila la të vdekur kineasten dhe të plagosur regjisorin Joel Souza.
“Duke i dërguar të gjithë dashurinë time familjes së Halyna Hutchins. Kjo është një tragjedi vërtet e paimagjinueshme dhe shkatërruese,” shkroi Bieber në Instagram Story të saj të Premten. “Lutjet e mia janë gjithashtu me Joel Souza teksa shërohet.”
Pas kësaj tragjedie, aktori i njohur është shprehur se armën ia kishte dhënë një ndihmës regjisor, i cili i kishte thënë se ishte e sigurt.
Ky i fundit nuk e dinte se karikatori kishte emunicion të vërtetë, thonë të dhënat e gjykatës.
“Nuk ka fjalë që përshkruajnë shokimin dhe trishtimin tim pas aksidentit tragjik. Po bashkëpunoj me policinë për të investiguar se si ndodhi kjo tragjedi. Jam në kontakt me burrin e saj, duke ofruar mbështetjen time atij dhe familjes”- u shpreh më herët Alec Baldwin.
“Zoti Baldwin u mor në pyetje nga detektivët. Ai dha deklarata dhe iu përgjigj pyetjeve të tyre. Ai erdhi vullnetarisht dhe ai u largua nga ndërtesa pasi mbaroi intervistat e tij. Asnjë akuzë nuk është ngritur dhe asnjë arrestim nuk është bërë”, tha zëdhënësi i sherifit të Santa Fe, Juan Rios për AFP.
