Wuhan-i i Kinës është epiqendra e përhapjes së epidemisë vdekjeprursëe Covid-19, e cila po i rrit frikshëm shifrat e të prekurve dhe jetëve të humbura nëpër botë.
Mirëpo, qyteti i Wuhan-it duket se ia doli, pasi pas 3 muajsh izolim total është gati të lejojë sërish qarkullimin.
Duke qenë se infeksionet e reja u ulën në zero më 19 mars, vendi është gati t’i kthehet normalitetit.
Sipas zyrtarëve të provincës Hubei në Kinë, transporti në Wuhan do të rifillojë në datën 8 prill.
Vendi u izolua dhe u ndalua çdo mënyrë transporti menjëherë pas shfaqjes së koronavirusit, në dhjetor të vitit që lamë pas.
Megjithatë, kjo epidemi ka shkaktuar në mbarë botën 382,741 raste të infektuara deri tani dhe 16,578 jetë të humbura.
