Pasi parakaloi tapetin e kuq të Festivalit të Filmit në Kanë, Elvana Gjata ka të tjera plane të mëdha!
Ndaj këngëtarja ka menduar të ndryshojë look për t’u dukur më lozonjare këtë herë.
Këngëtarja është shfaqur me flokët kaçurrela në një foto të fundit ku paralajmëron një koncert në Vjenë më 23 maj.
Me flokët e fryra me shumë volum dhe një xhaketë xhins e hedhur poshtë supave, Elvana Gjata duket tepër joshëse dhe s’e vëmë fare në dyshim!
Por pamja e re e këngëtares u ka rënë në sy fansave të saj si një inspirim nga look-u i Jennifer Lopez në klipin e saj “I’m glad”.
Jlo ishte frymëzuar nga aktorja kryesore e filmit “Flashdance” për look-un në klip, dhe nuk e dimë nëse kjo ka qenë burim frymëzimi për këngëtaren tonë!
Gjithsesi, kjo nuk është hera e parë që Elvana shfaqet me flokët kaçurrela, po të kemi parasysh klipin e saj “Njësoj”, ku shfaqet bjonde.
