Për shumë vite, Elvana Gjata luante vetëm me veshjen dhe duke mbajtur përherë flokët e vet gështenjë natyrale.
Por, që kur nisi të eksperimentojë me look-un, Elvana nuk ka lënë trend pa eksperimentuar.
Më poshtë, janë 5 prej ndryshimeve më dramatike të këngëtares në look.
2013: Flokë me ombre
Nga brune siç ishim mësuar ta shikonim gjithmonë, Elvana ishte ndër të parat që eksperimentuan me ombre-t, duke u shndërruar në një bjonde me rrënjë më të errët, look me të cilin është shfaqur disa herë që para se të dilte në modë.
Korrik 2014: Gërsheta afrikane
Për një video muzikore sfiduese artistikisht siç ishte “Puthe”, Elvana Gjata zgjodhi look-un më trasgresiv që kishte patur ndonjëherë, me gërsheta afrikane që kërcenin bashkë me të.
Qershor 2015: Flokë ngjyrë kapuçino për klipin “Love Me”
Për videon e këngës “Love Me”, Elvana zgjodhi flokët e gjatë me ombre, që u bënë modë gjatë atij viti.
Tetor 2015: Bjonde platin
Elvana e uroi Shqipërinë për në Kampionatin Europian të Futbollit me një look krejt të ri duke u shfaqur për herë të parë me flokë platin.
Shtator 2017: Bob me ombre
Teksa imazhi i saj prej fashionista ishte konsoliduar tashmë, Elvana Gjata zgjodhi një prej trendeve më shik të momentit për shërbimin fotografik në Firence të Italisë.
