Rita Ora do flasë sot shqip në përmbyllje të konferencës ‘Diaspora Flet 2020’. Ajo do jetë në një konferencë online përballë kryetarit të Bashkisë së Tiranës, Erion Veliaj.
Lajmin e kanë dhënë vetë organizatorët e eventit në rrjetet sociale, duke na gëzuar pafund të gjithëve.
Bashkëbisedimi fillon në orën 20:30 dhe kush e di se çfarë surprizash janë përgatitur.
View this post on Instagram
Konferenca treditore “Diaspora Flet”, këtë vit kishte temë ‘GlobAL2020: Lidhu. Krijo. Bashkëpuno’, duke sjellë kështu edicionin e saj të dytë, këtë herë në formë virtuale.
Ajo u mbajt më 19, 20 dhe finalizohet mbrëmjen e sotme, 21 nëntor. Të treja netët ishin organizuar me sesione diskutimi, fjalime, hapësira promovuese, panair, ankande, ngritje të fondeve, si dhe mundësi rrjetëzimi!
Ajo organizohet nga “GERMIN” një nga organizatat jofitimprurëse dedikuar Angazhimit të Diasporës Shqiptare.
Konferenca e këtij viti kishte si synim të lidhte profesionistë të industrisë, biznese, komunitete, aktivistë dhe ekspertë nga e gjithë bota për të reflektuar mbi angazhimin e diasporës në 20 vitet e fundit dhe për të eksploruar se cili është roli i saj potencial në 20 vitet e ardhshme.
