Aktori i njohur turk Aytaç Arman është ndarë nga jeta në moshën 69-vjeçare.
Ai nuk mundi dot të luftonte sëmundjen e kancerit nga e cila po trajtohej prej disa kohësh në një spital në Stamboll.
Aktori është i njohur në Shqipëri me rolin e Ahmet Denizer, në rolin e babait të Elif në serialin “Diamante dhe Dashuri”.
Homazhet për aktorin turk u zhvilluan sot në teatrin Beyoglu Atlas, ku i është dhënë lamtumira e fundit.
Familjarë, miq dhe emra të njohur të kinematografisë turke si, Kadir Inanir, Halil Ergun, Mahsun Kirmizigun, Ercan Kesal, Nuri Alço, Can Kolukısa, Volkan Severcan, i dhanë lamtumirën e fundit aktorit.
