Autori i masakrës së Selenicës, Ritvan Zykaj, i cili vrau 8 kushërinjtë e tij në fshatin Resulaj të Selenicës në Vlorë, ka bërë një kërkesë të veçantë nga burgu.
Nga qelia e paraburgimit të policisë se Vlorës, Ritvani ka kërkuar libra për të lexuar. Një burim i tha “ABC News” se ishte habitur kur Zykaj herë pas here kërkon libra të ndryshëm për të lexuar, madje nuk ka ndonjë preferencë por është mjaftuar me ato fetarë që i kanë ofruar.
Tashmë u bënë 3 muaj që ai është arrestuar dhe gjatë gjithë kësaj kohe nuk ka shfaqur asnjë çast irritimi apo agresiviteti. Ai nuk kundërshton për asgjë, as ushqimin dhe në ajrim del rrallë. Familjarët e tij vazhdojnë të mos e takojnë dhe të paktët njerëz që e shohin janë policët e paraburgimit.
Ndërkohë prokuroria është në pritje të akt-ekspertimit psikiatrik dhe për këtë proces Ritvani qëndroi një javë në Tiranë, në spitalin e burgut. Ai akuzohet për vrasje të shumëfishtë të 8 personave mes të cilëve, kushërinj, të moshuar, të rritur dhe fëmijë.
Ajo që ka deklaruar 24-vjeçari në lidhje me krimin është se të afërmit e trajtonin atë me inferioritet ndaj edhe ajo që bëri ishte në shenjë hakmarrjeje.
