Valentino raportohet se ka bërë një ofertë për të blerë Balmain, sipas gazetës franceze “Les Echoes”. Shtëpia italiane e modës, në pronësi të subjektit të investimeve me bazë në Katar, Mayhoola, i propozon 749 milionë dollarë për të marrë markën franceze që udhëhiqet nga drejtori kreativ Olivier Rousteing.
Balmain ka marrë gjithashtu dy oferta, njëra nga një grup mode kineze dhe tjetra nga investitori amerikan, ndërkohë të dy investitorët janë anonimë. Valentino dhe Balmain nuk janë përgjigjur ende.
Nëse oferta ekziston, pronari aktual i Balmain, trashëgimtar i kreut të markës Alain Hivelin, i cili ndërroi jetë në 2014-n, raportohet se ka një afat deri të enjten, 7 prill, për ta pranuar ose jo ofertën.
Aktualisht fitimet e përvitshme të Balmain janë 30 milionë dollarë, sipas “Business of Fashion”.
Burimi: Harper’s Bazaar
