E mendonit se mund të vishnit qytete? Stilisti shqiptar, Ardi Asllani, realizoi atë që rrallë mund ta kishin imagjinuar, duke i dhënë një kuptim tjetër “veshjeve tradicionale”. Qytetet e ndryshme shqiptare influencuan botën e stilistit, për të sjellë koleksionin “My Albania”.
Për herë të parë në veshje pasqyrohen ngjyra, vende, kohë, histori e trashëgimi, që ndërthuren mes dizajnëve dhe tekstileve.
Një muaj pasi Ardi Asllani prezantoi koleksionin e tij të fundit në Nju-Jork, ai ndau imazhet e para të demonstruar nga profesionalizimi dhe linjat e modeles Adrola Dushi.
Veç fustaneve, stilisti ka përfshirë në koleksionin e tij edhe veshje të jetës së përditshme, ku shfaqen imazhet e kalave, ujëvarave, të kullave apo urave.
Ai ka ndarë me publikun në profilin e tij në “Instagram”, imazhe të veshjeve të stiluara prej tij me dizajnin e Tiranës në vitet 1930, Pllazha e vjetër në Ulqin, të Shtëpisë së Lidhjes në Prizren, të perëndimit të Durrësit, të qytetit të “Njëmijenjë dritareve” dhe të Gjirokastrës.
Në secilën prej këtyre qyteteve, Asllani ka veçuar monumentet apo objektet dalluese për të dhënë ndjesinë se ndodhen aq pranë tyre dhe për theksuar bukurinë e trojeve shqiptare.
Burimi: Instagram
