Shkon në 6 numri i viktimave nga koronavirusi në Shqipëri.
Mbrëmjen e sotme mësohet se ka ndërruar jetë një paciente 71-vjeçare nga Tirana, e shtruar në spitalin Infektiv, në terapi intensive, në frymëmarrje të drejtuar (respirator).
Ministria e Shëndetësisë bën me dije se ajo vuante nga hipertensioni dhe prej 7 ditësh ishte e shtruar në spital.
Më 24 mars, në Shqipëri nga COVID-19 ndërroi jetë 48-vjeçari nga Puka, baba i katër fëmijëve.
Në vendin tonë numri i të prekurve nga koronavirusi ka shkuar në 146 dhe mes tyre janë 17 të shëruar.
