Megjithëse prej disa kohësh janë zhvendosur për të jetuar në Zelandën e Re dhe kanë nisur një jetë totalisht të re atje, Vesa Luma dhe Big Basta nuk i harrojnë asnjëherë rrënjët e tyre.
Madje, dashurinë për origjinën ia ushqejnë edhe të voglit të tyre, Lianit, i cili s’lë rast pa treguar që është shqiptar.
Së fundmi, këngëtarja e ka filmuar të voglin teksa shijonin diellin dhe detin në Zelandën e Re.
Sapo ka parë kamerën, Liani ka formuar me duar shqiponjën dykrenare dhe ka lëvizuar duart e tij për ta bërë shqiponjën “të fluturojë”, siç mund ta shihni edhe vetë në këtë video.
Ashtu si personazhe të njohur të showbiz-it, edhe Vesa ka bërë “detyrën” e saj për të sensibilizuar ndjekësit në rrjete sociale për situatën e koronavirusit, duke dhënë disa këshilla të vlefshme në InstaStory.
