Nga dita e nesërme mësohet se nuk do të ketë asnjë aktivitet në Kishat Katolike në Shqipëri.
Të gjitha kremtimet, përfshirë meshën e shenjtë do të pezullohen në kuadër të masave kundër Koronavirusit që tashmë ka prekur edhe Shqipërinë.
Vendimi është bërë i ditur për besimtarët përmes një deklarate të vulosur e cila hyn në fuqi nga 13 marsi.
Kujtojmë se ditën e djeshme edhe Komuniteti Myslyman njoftoi mbylljen e xhamive për të parandaluar përhapjen e virusit të ri.
Në vendin tonë janë identifikuar 15 raste me Koronavirus dhe një prej tyre ka ndërruar jetë.
Ndërkohë nga shteti janë marrë masa të rrepta për izolimin e virusit.
