Duket se Arbenita Ismajlit shpeshherë i pëlqen “të luajë” me ndjekësit dhe publikon disa “bomba” në rrjetet e saj sociale.
Duke qenë se lidhja e saj me reperin Fero është ndër më të komentuarat në media, gjithçka rreth çiftit përbën kuriozitet të madh për publikun.
Nuk është hera e parë që modelja përflitet për shtatzëni, mirëpo kësaj here Arbenita vendosi t’i hedhë vetë benzinë zjarrit, duke publikuar në InstaStory një video me barkun e rrumbullakosur.
Modelja shfaqej duke filmuar veten në pasqyrë krah një mikeshe të cilës gjithashtu i dallohej barku i rrumbullakosur, mirëpo Arbenita ka vendosur të qetësojë situatën me fjalët krahas videos.
“Shtatzëni pas dreke”- sqaron Arbenita ndjekësit, duke lënë të kuptohet se vajzat janë fryrë pasi kanë ngrënë shumë.
Pra, ky është vetëm një provokim nga modelja, e cila po shijon prej dy vitesh romancën e saj me Feron dhe nuk është çudi që të mund t’i shohim shpejt edhe prindër të një bebushi!
