Ndarja e tyre nuk ishte aspak e qetë! Dhe tani Mariah Carey duket se e ka kthyer eksperiencën e saj në art. Këngëtarja raportohet se dogji fustanin e nusërisë në videoklipin e ri. Fustani ishte dizajnuar nga shtëpia e modës “Valentino” dhe e kishte blerë për dasmën e saj me ish-të fejuarin James Packer.
Këngëtarja e hitit “Hero” u fejua me miliarderin biznesmen në janar të vitit 2016, por marrëdhënia e tyre mori fund në muajin shtator pas një zënke ndërkohë që ishin me pushime në Greqi.
Në fakt fustani ishte blerë për videon muzikore të këngës së re të Mariah, “I don’t”, por këngëtarja kishte planifikuar ta vishte atë edhe në ceremoninë martesore me James Packer. Sipas “TMZ” fustani i djegur kapte vlerën 250.000 dollarë, por duket se shuma nuk ka qenë aspak problem për këngëtaren.
Ndër të tjera gjatë videos, Mariah i kujton ish-të fejuarit se çfarë ka humbur, teksa shfaqet me tre veshje shumë sensuale, të kuqe, të zezë dhe të bardhë.
Burimi: Daily Mail
