Victoria Beckham ka zemëruar fansat pas publikimit të disa fotove në mediat sociale, ku vajza e vogël Harper ka hipur mbi një kalë, që ka një “tatuazh” kurore në të pasme.
43-vjeçarja, si një nënë krenare, publikoi fotot e vajzës 6-vjeçare për të treguar aftësitë e saj në kalërim. Por ajo u ndesh me zemërimin e fansave të cilët nuk e kuptonin nëse kali ishte qethur apo ishte markuar, një veprim i dhimbshëm që bëhet me hekur të nxehtë.
“Duke kalëruar nën ditën e diellit. Puthje nga Harper dhe princi i saj”, shkruan Victoria e cila ka marrë një lumë sulmesh nga fansat e shqetësuar për kalin.
“E dhimbshme. Shumë e trishtë”.
“I shkreti kalë… Kjo kurorë është totalisht e panevojshme. Nuk është natyrale, nuk është dashamirëse dhe sigurisht nuk i bëhet asnjë “princi”.
“Ajo kurorë duhet të ketë dhembur shumë”.
Victoria rrezikon edhe zemërimin e aktivistëve të të drejtave të kafshëve duke përfshirë organizatën PETA (People for the Ethical Treatment of Animals).
Ndërkohë, fansa të tjerë i dolën në mbrojtje Victoria-s, pasi konfirmuan se kurora ishte thjesht një qethje dhe nuk i kishin shkaktuar ndonjë lëndim kafshës.
