Soni Malaj është një prej konkurrenteve më të forta në spektaklin “Dancing with the Stars” që transmetohet në Vizion Plus.
Falë këshillave dhe profesionalitetit të balerinit Dion Gjika, Soni është perfeksionuar në kërcim. Ata e bëjnë një dyshe vërtet të fortë dhe janë ndër të preferuarit e spektaklit.
Por Soni ka treguar se nuk është e lehtë të punosh me Dionin. Në një bashkëbisedim me atleten Klodiana Shala në Instagram, Soni zbulon faktin se Dioni i bën “zbor” në prova dhe i bërtet shumë:
“Zogu, Dioni të rrijë urtë se as partnerja e vet nuk do ta kërcente kaq perfekt”, i shkruan Klodi në videon ku Soni shihet duke kërcyer tango.
“Klodiana Shala hajde sqaroje pak çdo javë, se më çmendi, bërtet shumë Dion Gjinika”, ia kthen Soni duke u ankuar.
Dyshja kanë një marrëdhënie të mirë jo vetëm në skenë por edhe jashtë saj. Pak ditë më parë, partneri i këngëtares u bë baba për herë të parë i një vajze me partneren Besi.
Soni e uroi përmes një fotoje dhe disa fjalëve të ëmbla që vetëm një nënë si ajo mund t’i ndjejë në të tilla raste.
