Hedhja e 65-vjeçarit të infektuar me Covid në fillim të këtij muaji nga spitali ‘Shefqet Ndroqi’ në Tiranë (KLIKO) shkaktoi një tjetër tronditje të opinionit, pasi ishte pacienti i dytë që vetëvritej brenda pak javësh pas rastit të 29-vjeçarit nga Durrësi në muajin gusht. (KLIKO)
Por për çfarë ndodh një gjë e tillë, çfarë masash duhet të merren dhe cila është zgjidhja? Ekspertë të ndryshëm japin përgjigje të ndryshme, dhe një prej tyre është vendosja e psikologëve dhe punonjësve socialë në spitalet Covid. Sipas psikologëve pacientët kanë nevojë që të dëgjohen, dhe është e domosdoshme që t’u lejohen telefonat. (KLIKO)
Rreth kësaj çështjeje ka folur edhe një prej të shëruarve nga Covid-19, duke thënë se shërbimi mjekësor dhe infermieror nuk i ka munguar në asnjë rast , por se sipas tij personeli është i mbingarkuar dhe i lodhur deri në atë pikë sa e ka të pamundur të ofrojë të gjithë asistencën sipas nevojës.
I mbijetuari nga Covid-19 kujton shokët e dhomës ku pacienti në gjendje më të mirë i shërbente më të pamundurit.
Ai ka treguar se aktet e vetëvrasjeve nuk janë produkt i mosdhënies së shërbimit mjekësor, por se sipas tij pacientët ngarkohen psikologjikisht që para se të shkelin në spital duke refuzuar që në fillim maskën e oksigjenit që u duket se i mbyt dhe asfikson. (KLIKO)
Së fundmi, rreth kësaj çështjeje ka folur edhe mjeku i njohur Pëllumb Pipero, i cili deklaroi në “Zonë e Lirë” se vetëvrasjet ndodhin për shkak të mosoksigjenimit të trurit, duke shtuar se edhe një pacient i tij ka tentuar vetëvrasjen por është ndaluar në kohë.
Ai iu bëri thirrje qytetarëve më tej që mos të kenë frikë dhe mos ta përjetojnë infektimin nga Covid-19 si një dramë.
Mund të ndodhë kudo. Mund t’ju them eksperiencën e një pacientit tim. Shkroi amanetet dhe e tentoi vetëvrasjen. Truri nuk u oksigjenohet. Mos e përjetoni si dramë. Mos kini panik dhe frikë. Bashkë me mjekun mund ta kaloni lehtë sëmundjen.
