Edhe pse është e nevojshme për shëndetin tuaj si emocional ashtu dhe fizik që të merrni masa mbrojtëse gjatë seksit, ndalimi i përdorimit të tyre duhet bërë vetëm në këto pika:
Kur të dy keni kryer analizat për sëmundjet seksualisht të transmetueshme
Nëse nuk jeni siguruar totalisht që të dy keni bërë analizat kohët e fundit mos e ndërmerrni një hap të tillë. Madje, edhe kur partneri insiston se është i pastër, përsëri nuk vlen pasi disa sëmundje janë asimptomatike (pa simptoma). Bëni mirë mos rrezikoni.
Sipas CDC, në 2015, kishte rreth 1.526.658 raste të Klamidias. Sifilisi kishte një rritje prej 19% dhe një në 6 persona kishin herpes sipas Shoqatës të Shëndetit Seksual Amerikan.
Mendojmë se kjo mjafton për të përdorur prezervativin.
E kuptoni rrezikun
Seks pa prezervativ vjen me shumë faktorë të rrezikshëm, disa prej tyre madje qëndrojnë me ju për një kohë të gjatë, ose gjithë jetën. Sigurisht që mund të merrni sëmundje ngjitëse dhe të ngeleni shtatzënë, pa e kuptuar nga të dy palët.
Është një vendim që duhet të merret nga të dy dhe me konsensus
Nëse doni të ndaloni së përdoruri prezervativë duhet të bini dakord të dy dhe të flisni hapur për këtë. Mendoni gjithmonë çfarë është e mirë për ju, dhe mbi të gjitha nëse jeni të sigurt 100% se jeni të mbrojtur dhe keni besim të plotë tek partneri se është vërtet i kujdesshëm.
