Flokët janë gjysma e bukurisë. Kjo shprehje në fakt, është mëse e vërtetë, edhe pse për një femër që është pjesë e televizionit, flokët nuk duken të jenë një problem me trajtimet speciale dhe flokët ekstejnshën. Megjithatë përpos parukeve dhe ekstejnshëve që përdorin shpesh herë të famshmet shqiptare, ka nga ato që kanë flokë të shëndetshëm dhe njihen për flokë origjinale apo natyrale.
Argjentina Ramosaj i ka mahnitur të gjithë që prej daljes së saj të parë publike, me fijet e arta në flokun e gështenjë dhe të gjatë që e bëjnë të duket e mrekullueshme. Enca dhe Soni Malaj janë dalluar shpesh për flokun e tyre natyral të dendur, edhe pse shpesh herë kanë eksperimentuar me nuancat dhe ngjyrën. Dhe nëse nuk i mbani mend sesi janë dukur femrat e njohura të ekranit pa flokët e lyer, më poshtë mund të shihni fotot e viteve të fëmijërisë apo adoleshencës:
Luana Vjollca
Luana Vjollca është shndërruar prej kohësh në një bionde simpatike por ajo ka debutuar në skenat shqiptare si brune. Që prej kohës që u shfaq si velinë në “Fiks Fare”, Luana kishte flokun e saj gështenjë.
Çiljeta Xhilaga
Ja ku shfaqet Çiljeta mjaft e vogël, në moshën 15 vjeçare dhe shumë natyrale: “Miss Shqipëria 2000, flokët e palyer, vetullat e pahequra dhe unë vetëm 15 vjeç”, shkruan Çiljeta përkrah fotos.
Roza Lati
“Po, kjo jam unë”! U desh konfirmimi i Roza Latit në disa foto të publikuara prej saj para disa muajsh, për të vërtetuar se moderatorja ka pasur një flok natyral të dendur në ngjyrë lajthie dhe shumë të gjatë.
Enca Haxhia
Floku natyral i Encës i bëri xheloze të gjitha femrat deri vonë kur këngëtarja vendosi t’i lyente ato me fije të kuqe. Edhe me ato fijet e çuditshme, ajo sërish ia arriti t’i bindë vajzat e reja të guxonin me flokët e tyre.
Soni Malaj
Këngëtaren Soni Malaj e mbajmë mend gjithmonë me flokë të zeza. Edhe pse pati disa eksperimentime me nuancat vishnjë, ajo ka pasur të njëjtin flok të dendur dhe në ngjyrë të zi, njësoj si sot.
Dua Lipa
Po Dua Lipa i ka lyer ndonjëherë flokët?! Është e vështirë t’i përgjigjemi kësaj pyetje, pasi gjetëm këtë foto me flokët gështenjë të errët njësoj siç i ka dhe sot.
Rita Ora
Po, Rita Ora ka qenë kaçurrelëse dhe ende i ruan ondet edhe sot e kësaj dite. Megjithatë ajo ka ndryshuar ngjyrën, nga gështenjë e errët në bionde dhe sërish duket shumë bukur.
Ledina Çelo
Të gjithë e njohim si një mami seksi, bionde sensuale me linjat perfekte. Dhe në fakt, këngëtarja shqiptare Ledina Çelo ka qenë gjithmonë kaq elegante, si sot. Por ndoshta jo të gjithë e dinë se ajo ka qenë nje brune shumë simpatike në moshën 20-vjeçare. Nëna e dy fëmijëve, një djali dhe një vajze, kur ka qenë 20-vjeçe ishte po e njëjta bukuroshe provokuese me pamje të freskët që është edhe sot.
Elvana Gjata
Elvana njihet që prej konkurrimit në “Ethet e së Premtes Mbrëma”, për flokët e saj natyralë gështenjë. Por këngëtarja ka eksperimentuar me flokët e zinj, biondë dhe tashmë ka qëndruar të ngjyra e lajthisë, pak më të çelura se natyralet.
Kida
Kida ka vetëm pak muaj që ka mbaruar gjimnazin dhe ende janë të freskëta kujtimet me flokët e saj gështenjë, kur ishte në shkollë. Gjithsesi ajo ka qëndruar të flokët e zinj dhe i shkojnë shumë.
Era Istrefi
Për një kohë të gjatë ajo na mahniti me flokët biondë të gjatë aq sa harruam që floku i saj natyral është kaf.
