Birësimi i një fëmije është një temë mjaft delikate. Shumë çifte në botë që nuk kanë mundësi të sjellin në jetë një fëmijë apo edhe në rastin që kanë sjellë në jetë një fëmijë, zgjedhin sërish të birësojnë.
Në vendin tonë ky fenomen nuk është kaq i zhvilluar. Së fundmi në emisionin “Goca dhe Gra”, Armina Mevlani u shpreh rreth kësaj teme, ku shtoi se birësimi i një fëmije është gjëja më e mirë, e cila i ndryshon jetën edhe një qënie tjetër.
“Unë mendoj se pjesa e birësimit është një e mirë e madhe që një pjesë bën. Iu jep mundësinë fëmijëve që të kenë një familje dhe është si të thuash një rrugëtim jete por duke i ndryshuar vetes jetën por dhe një qenieje tjetër”, u shpreh blogerja.
Mesazhi që Armina dha është i duhuri, por vetë ajo a do ta birësonte një fëmijë?
“Po, absolutisht. Nëse nuk do të kisha pasur mundësinë të bëja fëmijë”,u përgjigj Mevlani.
Kujtojmë që vetëm pak kohë më parë Armina Mevlani dhe Shkëlzen Berisha i dhanë fund beqarisë, duke kurorëzuar dashurinë e tyre disavjecare në martesë. Ato organizuan një ceremoni madhështore, e cila jo më kot u konsiderua si dasma e vitit.
