Është rritur me 6 numri i të infektuarve me koronavirus në Shqipëri duke e çuar numrin total të të infektuarve në 795.
Nga rastet e reja, 1 është regjistruar në Tiranë dhe 5 rastet e tjera janë në Krujë dhe Kurbin. Ministria e Shëndetësisë njoftoi sot se 67 përqind e totalit të të prekurve janë të shëruar.
Gjatë 24 orëve të fundit një tjetër zonë e Shqipërisë rezulton me risk të ulët për transmetim të infeksionit, që është Fieri dhe numri total i të shëruarve shkon në 531.
Ministria bëri me dije se duke filluar nga nesër, datë 4 maj do të shtohen “zonat e gjelbërta” edhe në bashkitë ku ka risk të ulët të transmetimit të infeksionit.
Pjesa më e madhe e rasteve aktive po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin “Shefqet Ndroqi” janë të shtruar 33 pacientë dhe vetëm 7 prej tyre janë në terapi intensive.
Shpërndarja gjeografike e rasteve aktive, është si vijon:
Krujë 91
Tiranë 90
Kurbin 20
Shkodër 17
Kukës 5
Elbasan 2
Mirditë 2
Berat 2
Korçë 1
Lezhë 1
Lushnje 1
Mat 1
Situata me koronavirusin në mbarë botën:
….Në të gjithë botën, numri i infeksioneve të konfirmuara qëndron mbi 3.35 milionë, me gati 239,000 vdekje dhe afro 1.05 milionë shërime.
Organizata Botërore e Shëndetit (OBSH) përsëriti se koronavirusi besohet të jetë “natyral në origjinë”, duke iu përgjigjur një pretendimi të Presidentit amerikan Donald Trump se kishte prova që tregonin se virusi doli nga një institut virologjie në Wuhan, Kinë.
Në Venezuelë, më shumë se 40 njerëz vdiqën gjatë një trazire pas kufizimeve të lidhura me koronavirusin për vizitat familjare, ndërsa të burgosurit në një burg brazilian mbajtën rojet peng për disa orë në protestë ndaj pezullimit të të gjitha vizitave.
Britania e Madhe ka regjistruar deri tani 28,131 vdekje nga koronavirusi dhe 182,260 infektime.
Kishat në Gjermani do të hapen por do të kufizojnë numrin e pjesëmarrësve dhe njerëzit duhet të mbajnë distancë të paktën 2 metra. Këndimi, sipas zyrtarëve mund të shpërndajë virusin prandaj është ndaluar si dhe priftërinjtë duhet të vendosin maska.
Kina raportoi dy raste të reja të koronavirusit për 2 maj, nga 1 një ditë më parë, sipas të dhënave të Komisionit Kombëtar të Shëndetit.
Një rast është importuar dhe tjetri është lokal. NHS gjithashtu raportoi 12 raste asimptomatike për 2 majin, nga 20 një ditë më parë.
Pesë vendet me shifrat më të larta të infektimit dhe viktimave, në botë janë:
Shtetet e Bashkuara të Amerikës: Më shumë se 1.1 milion të prekur dhe 66.300 viktima.
Spanjë: Më shumë se 216.000 të infektuar dhe 25.100 viktima.
Itali: Më shumë se 209.000 të infektuar dhe 28.700 viktima.
Mbretëria e Bashkuar: Më shumë se 183.000 të infektuar dhe 28.000 viktima.
Franca: Më shumë se 168.000 të infektuar dhe 24.700 viktima.
/Iconstyle.al
