Është rritur me 4 numri i të infektuarve me koronavirus në vendin tonë, duke e çuar numrin total të të prekurve në 872.
Ministria e Shëndetësisë bëri me dije se në 24 orët të fundit janë testuar 121 qytetarë të dyshuar si të prekur me koronavirus, por vetëm 4 prej tyre rezultuar pozitivë.
Nga rastet e reja, 2 qytetarë janë paraqitur në Tiranë, 1 në Kamëz dhe 1 në Shkodër, ndërkohë që të shëruar janë 4 qytetarë.
Dr. Eugena Tomini deklaroi se situata epidemiologjike në vend paraqitet e qëndrueshme dhe ky është numri më i ulët i rasteve pozitivë me Covid-19 në 8 javët e fundit.
Deri më sot janë konfirmuar pozitivë me COVID-19 në të gjithë vendin 872 qytetarë. 654 qytetarë janë shëruar, ose 75% e të gjithë të prekurve.
Në të gjithë vendin aktualisht janë 187 persona aktivë me COVID-19, kryesisht në Tiranë, Krujë, Shkodër, Kamëz.
Situata në spitale paraqitet e qëndrueshme prej ditësh. Aktualisht në dy spitalet COVID janë të shtruar 28 pacientë dhe vetëm 3 prej tyre janë në terapi intensive.
Prej më shumë se 10 ditësh nuk kemi asnjë humbje jete.
Shpërndarja gjeografike e rasteve aktive është si vijon:
Tiranë 87
Krujë 56
Shkodër 17
Kamëz 12
Fier 5
Kurbin 3
Elbasan 3
Mirditë 1
Berat 1
Durrës 1
Korçë 1
Situata në mbarë botën:
Në të gjithë botën numri i të infektuarve ka kaluar shifrën 4 067 000, me mbi 280 000 të vdekur dhe mbi 1 392 000 të shëruar.
SHBA shënon 776 të vdekur në 24 orë dhe kjo është shifra më e ulët që prej muajit mars, duke çuar në 79.528 të vdekur në total. Numri i të infektuarve është 1 329 799 persona. New York-u është më i prekuri me 26 641 persona të vdekur.
Rusia ka regjistruar një rekord të ri të të infektuarve me koronavirus. Në 24 orët e fundit në Rusi janë shënuar 11,656 raste të reja duke arritur në 221.344 në total.
Në 24 orët e fundit Kina ka raportuar 17 raste të reja të koronavirusit, duke arritur kulmin e dy javëve të fundit, nga të cilat 7 janë të importuara dhe 10 raste të brendshme.
Europa po shkon drejt normalitet ku shumë lirime të tjera të masave kufizuese janë marrë ditën e sotme.
Në Zvicër 8 javë pas mbylljes së shkollave hapen sot shkollat, kopshtet, dyqanet, restorantet dhe muzetë.
Në Francë njerëzit mund të dalin nga dera pa pasur nevojë për leje. Për sport e shëtitje nuk ka kufizime. Edhe dyqanet do të hapen, por restorantet e baret mbeten të mbyllura.
Në Itali shumë masa kufizuese mbeten në fuqi. Shumica e dyqaneve mbeten të mbyllura deri në mesin e muajit. Parukeritë duhet të presin deri në qershor.
Në Kosovë konfirmohen edhe 14 raste të tjera me koronavirus, duke e çuar numrin total të të prekurve në 884. Deri më tani raportohet se 28 pacientë kanë ndërruar jetë.
