Reperi i famshëm i hiteve “Broken Love”, “Errybody”, “Ride for me”, Mo3, është ndarë nga jeta në moshën 28-vjeçare.
Ai u qëllua për vdekje në Texas, në një automjet me të cilin po udhëtonte me I-35, afër Clarendon Drive, siç ka bërë të ditur policia.
Sipas tyre, personi i armatosur i cili doli nga një makinë e zezë, iu afrua automjetit të Noble, duke e shtyrë atë të dilte dhe të vraponte nëpër autostradë.
I dyshuari e qëlloi me disa plumba, duke e goditur reperin dhe një kalimtar të rastit, të identifikuar si një mashkull i rritur që ishte brenda automjetit të tij.
Autoritetet bënë të ditur se Mo3, emri i vërtetë i të cilit është Melvin A. Nobleu, transportua në një spital të zonës ku dhe ndërroi jetë.
Viktima e dytë u transportua gjithashtu në një spital të zonës me dëmtime, por fatmirësisht është jashtë rrezikut për jetën.
