Të enjten e 18 dhjetorit Loredana dhe Mozzik u bënë prindër për të parën herë. Ata mirëpritën vogëlushen e tyre Hana, me të cilën ndanë fillimisht vetëm fotot të dorës.
Por ditën e sotme, Loredana nuk ka duruar pa publikuar imazhin e plotë të së bijës së sapolindur.
Në imazhin e ëmbël, e sapolindura Hana duket se po flenë bashkë me të atin Mozzik, që duket se pas orëve të gjata pa gjumë po dremit.
Nga ana tjetër është ende herët për të thënë se kujt i ngjan vogëlushja.
Ditën e djeshme Mozzik dhe Loredana nuk hezituan të falënderonin të gjithë miqtë, ndërsa ajo rrëfeu se zgjodhi të mos tregonte asgjë për pritjen e ëmbël, pasi kishte dëshirë që fansat e saj të fokusoheshin tek projektet muzikore. Nga ana tjetër, Loredana tregoi se është personi më i lumtur në botë sepse dëshira e saj më e madhe u bë realitet, të formojë një familje!
“Pra, miqtë e mi! Vajza ime Hana është këtu.. Më duhet ta pranoj se jam personi më i lumtur në botë. Nuk e di se cili është qëllimi juaj në jetë, por i imi është ka qënë gjithmonë të formoja një familje. Kam punuar shumë përgjatë gjithë vitit, ndërsa Hana fshihej në stomakun tim dhe nuk kisha dëshirë që ju të dinit se në fakt po përjetoja një ndjesi krejtësisht ndryshe sepse doja të fokusoheshit tek puna ime. Mendoj se gjithçka fillon me Hanën dhe do përfundoj gjithmonë me të, si gjëja më e rëndësishme që kam në jetë. Gjithmonë kam ëndërruar të kem familjen time dhe tani ëndrra m’u kthye në realitet. Faleminderit Zotit dhe të gjithë ju që më bëtë të ndihem mirë përgjatë shtatzënisë edhe përse unë nuk tregova asgjë. Pra, dua të theksoj se 2019 do të jetë viti im! 2018 ishte vetëm një shije. Falenderoj bashkëshortin tim Mozzik, je më i miri në botë. Hana lindi me 18 dhjetor 2018.” – shkruan në postimin e saj në “Instagram”, Loredana Zefi.
Çifti kishte zgjedhur që vogëlushja të vinte në jetë në një spital në Luzernë, të Zvicrës.
Burimi: Instagram
