Më në fund, Kendall Jenner iu mbush mendja të konfirmonte në “Instagram” lidhjen me basketbollistin australian Ben Simmons. Gjithçka nisi me 9 dhjetor 2018, kur Simmons ndau një foto të tij në “Instagram”, teksa përballej me të ftohnin në Philadelphia.
10 ditë më pas, supermodelja e familjes Kardashian/Jenner komentoi tek fotoja e partnerit, duke vendosur emoji-n e një arushi.
Simmons ka publikuar gjashtë foto të reja pas postimit të 9 dhjetorit, por duket se Kendall ka qënë duke studiuar me shumë kujdes profilin e tij, madje zgjodhi një të komentonte si në hije. Por kur ke 100 milionë ndjekës në “Instagram” është e pamundur të mos vihesh re dhe të mos bëhesh lajm në gjithë botën.
Jenner dhe Simmons nisën historinë e tyre të bukur të dashurisë në fillim të 2018-ës, pasi basketbollisti përfundoi lidhjen me këngëtaren Tinashe. Mirëpo në muajin gusht, çifti vendosi të kishte një moment pushimi për të menduar më shumë për lidhjen. E në këtë moment, hyri në lojë edhe vëllai i motrave Hadid, Anwar Hadid, me të cilin u fotografua disa herë duke u puthur.
